കാസർക്കോഡ് : പീഡനത്തിന് ഇരയായ 15 കാരി കാമുകന്റെ ഭീഷണിയെത്തുടർന്ന് ജീവനൊടുക്കി.
എലി വിഷം കഴിച്ചാണ് പെൺകുട്ടി ജീവനൊടുക്കിയതെന്ന് പോലീസ് അന്വേഷണത്തിൽ കണ്ടെത്തി.
പീഡനത്തിന് ശേഷം പ്രതി അന്വറില് നിന്ന് ഭീഷണി ഉണ്ടായതിനെ തുടര്ന്നാണ് വിഷം കഴിച്ചതെന്നാണ് കുട്ടിയുടെ മരണമൊഴിയെന്ന് പോലീസ് പറഞ്ഞു.
സംഭവവുമായി ബന്ധപ്പെട്ട് രണ്ട് പേരെ പോലീസ് അറസ്റ്റ് ചെയ്തതായി പോലീസ് അറിയിച്ചു.
കഴിഞ്ഞ ചൊവ്വാഴ്ചയാണ് സ്കൂളിൽ നിന്നെത്തിയ പെൺകുട്ടി എലി വിഷം കഴിച്ച് ആത്മഹത്യക്ക് ശ്രമിച്ചത്.
ഗുരുതരാവസ്ഥയില് ചികിത്സയില് ഇരിക്കെ ഇന്ന് പുലര്ച്ചെയാണ് കുട്ടി മരിച്ചത്.
സംഭവത്തില് സുഹൃത്തായ മൊഗ്രാല്പുത്തൂര് സ്വദേശി അന്വര്, സാഹില് എന്നിവരെ പോലീസ് അറസ്റ്റ് ചെയ്തു.
അന്വറിന്റെ നിരന്തരമായ ഭീഷണിയെ തുടര്ന്നാണ് മകള് ആത്മഹത്യ ചെയ്തതെന്ന് പിതാവ് പറഞ്ഞു.
സാമൂഹിക മാധ്യമം വഴിയാണ് പെണ്കുട്ടി അന്വറിനെ പരിചയപ്പെടുന്നത്.
ഇവരുടെ അടുപ്പം വീട്ടുകാര് എതിര്ത്തതോടെ പെണ്കുട്ടി ബന്ധം ഉപേക്ഷിക്കുകയായിരുന്നു.
അടുപ്പം മുതലെടുത്ത് നേരത്തെ പെണ്കുട്ടിയെ പീഡനത്തിന് ഇരയാക്കിയ അന്വര് ഇതോടെ നിരന്തരം ഭീഷണിപ്പെടുത്താൻ തുടങ്ങിയെന്നാണ് പെണ്കുട്ടിയുടെ മരണമൊഴി.
ഫോണിലൂടെയും സ്കൂളില് പോകുന്ന വഴിയും ഭീഷണി തുടർന്നു.
കൈയിലുള്ള ചിത്രങ്ങള് സാമൂഹിക മാധ്യമങ്ങളിലൂടെ പ്രചരിപ്പിക്കുമെന്നും പിതാവിനെ കൊല്ലുമെന്നും പറഞ്ഞതായി പെണ്കുട്ടി പോലീസിന് മൊഴി നല്കി.
അറസ്റ്റിലായ അന്വര്, സാഹില് എന്നിവര്ക്കെതിരെ പോക്സോ, ആത്മഹത്യാ പ്രേരണാ കുറ്റം അടക്കമുള്ള വകുപ്പുകൾ ചുമത്തിയാണ് പോലീസ് അറസ്റ്റ് ചെയ്തത്.
ചികിത്സയില് ഇരിക്കെ പെണ്കുട്ടിയുടെ രഹസ്യമൊഴി കാസര്കോട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റും അന്വേഷണ ഉദ്യോഗസ്ഥനായ വിദ്യാനഗര് ഇന്സ്പെക്ടര് പ്രമോദും രേഖപ്പെടുത്തിയിരുന്നു.
സംഭവത്തില് ഒരാള് കൂടി പിടിയിലാകാനുണ്ടെന്നാണ് പോലീസ് പറയുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
